नाशिक :
महानगरपालिका निवडणुकांच्या पार्श्वभूमीवर प्रभाग क्रमांक १६ मध्ये राजकीय वातावरण तापू लागले असून, बदलत्या समीकरणांमुळे यावेळी बहुरंगी व अत्यंत चुरशीची लढत होण्याचे स्पष्ट संकेत मिळत आहेत. प्रमुख पक्षांचे उमेदवार, अपक्ष तसेच नवोदित इच्छुकांच्या हालचालींमुळे प्रभागातील राजकारणाला वेग आला आहे.

मुख्य दावेदार चर्चेत

या प्रभागातून राहुल दिवे, अनिल ताजनपुरे ,आशा तडवी आणि सुषमा पगारे  ही नावे प्रमुख दावेदार म्हणून सध्या चर्चेत आहेत. स्थानिक विकासकामे, नागरी सुविधा, पाणीपुरवठा, रस्ते, स्वच्छता व आरोग्य सेवा या मुद्द्यांवर हे उमेदवार भर देत असून, नागरिकांशी थेट संवाद वाढवण्यावर लक्ष केंद्रीत केले जात आहे.

इच्छुक उमेदवारांची संख्या वाढली

प्रभाग १६ मध्ये इच्छुक उमेदवारांची संख्या मोठी असून, अनेकांनी आतापासूनच संपर्क मोहिमा, बैठका व मतदार संवाद सुरू केला आहे. इच्छुकांची संख्या वाढल्याने लढत केवळ दोन-तीन उमेदवारांपुरती मर्यादित न राहता अनेक आघाड्यांवर रंगणार असल्याचे चित्र आहे.

पक्षांतरांनी समीकरणे बदलली

निवडणुकांच्या तोंडावर झालेल्या पक्षांतरांमुळे पारंपरिक राजकीय गणिते बदलताना दिसत आहेत. काही ठिकाणी जुन्या कार्यकर्त्यांमध्ये नाराजी, तर काही भागांत नव्या चेहऱ्यांना मिळणारा प्रतिसाद चर्चेचा विषय ठरत आहे. त्यामुळे प्रत्येक पक्षाला आपली रणनीती नव्याने आखावी लागत आहे.

विकासकामे ठरणार निर्णायक

शासकीय वसाहती, मध्यमवर्गीय परिसर, झोपडपट्टी व व्यापारी भागांचा समावेश असलेल्या या प्रभागात विकासकामांचा लेखाजोखा यावेळी मतदार तपासणार असल्याचे संकेत आहेत. आश्वासनांपेक्षा प्रत्यक्ष कामगिरीवर मतदार भर देणार असल्याचे राजकीय जाणकारांचे मत आहे.

अखेरच्या टप्प्यात चित्र स्पष्ट होणार

सध्याची परिस्थिती पाहता कोणत्याही एका उमेदवाराचा विजय निश्चित मानता येत नाही. अंतिम उमेदवारी, माघारी आणि युती यावरच निकालाचे गणित ठरणार असून, प्रभाग १६ मधील लढत शेवटच्या क्षणापर्यंत रंगतदार राहणार, हे मात्र निश्चित आहे.

प्रभाग १६ : इच्छुक उमेदवार

 मागच्या निवडणुकीचे निकाल बघण्यासाठी येथे क्लिक करा https://nmc.minagarsevak.com/60